كلمات شيلة يا مسافر بدر العزى كاملة مكتوبة 2021
كلمات شيلة بدر العزي يا مسافر كاملة مكتوبة 2021
كلمات الشاعر: هادي ال ساري ( صوت الحزن )
الكلمات
يا مسافر طال فرقاك و غيابك
يحفظك ربي و ترجع بالسلامة
ارسل اشواقي الى حضرة جنابك
لك تحيات المحب و لك سلامه
وين وداك الحنين و وين جابك
منتظرك الين ما يوم القيامة
ما وصلك الشوق ما غطرف بـ بابك
يا عزيز ن واجبٍ كل احترامه
مرحبا بك في محلك مرحبا بك
يا منى قلبي و همه و اهتمامه
لك غلا لك شوق متعدي سحابك
لك مكانً في الصدر عالي مقامه
اعشق ايامك و ذكراك و ترابك
و الزمان اللي جمعنا بابتسامه
كم تمنيت و تمنيت اللقا بك
نوح صدري مثل ما نوح الحمامه
شالني طيفك و رجعني سرابك
ما على المشتاق ذنب و لا ملامة
طال صبري و اه من وقتن غدا بك
خابر ان اللي صبر يلقى مرامه
و ان كتب ربي لنا عمرن و جابك
طاب حالي و الجفن عود منامه
