قصة طريفة لولد صغير ذكي «غير حقيقية»

ولد صغير كل يوم يروح البنك يحط 50 جنيه ف حسابه، استغربو منه الموظفين فقالوا للمدير. المدير قالهم لما يجي تاني خلوه يعدي عليا. الولد راح تاني يوم يحط الـ 50 جنيه. الموظف دخله للمدير فالمدير سأله: كل يوم بتجيب خمسين جنيه منين؟ وانت لسه عيل صغير.

رد الولد قاله براهن اللي قدامي وبكسب الرهان، المدير ضحك وقاله وريني.  الواد قاله تراهني علي 50 جنيه اني اقدر ابوس عيني. المدير وافق. قام الولد قالع اللينزز وباسها وركبها تاني وخد الـ 50 جنيه ومشي. المدير بقي متضايق جدا.

الواد جه تاني يوم، المدير وقفه وقاله انت ضحكت عليا وعاوز فلوسي. الواد قاله انا هعمل رهان لو انت كسبت هتاخد 3 اضعاف اللي انت دفعته يعني 150 جنيه، ولو انا كسبت مش هاخد منك حاجه. جاب 10 موظفين يشهدو علي الكلام ده. والمدير وافق.

الولد قاله ارهان ان لون ملابسك الداخلية  ازرق. ضحك المدير وقاله مش ازرق. الواد يقوله ازرق والمدير يقوله والله ما ازرق، قام المدير قالع البنطلون وقاله قولتلك مش ازرق. فالولد دفع 150 جنيه.

الولد خارج، فالمدير قاله انت خسرت الرهان مش زعلان؟ . رد الولد وقاله لا مش زعلان، عشان
كنت مرهان الـ 10 موظفين اني اقلعك البنطلون.